बिहान ९ बजेर २० मिनेटमा गोली प्रहार भयो । गोली प्रहार लगत्तै ९ बजेर ५० मिनेटमा काठमाडौँ प्रहरी प्रमुखलाई एउटा फोन आयो ।
फोन गर्ने व्यक्तिले आफू हङकङमा रहेको मात्र बताएन् भर्खरै घटेको गोली हानिएको घटनाबारे समेत बोल्न थाल्यो ।
‘मैले नै गोली हानेको हुँ’, फोन गर्नेको प्रहरीसँग दावी थियो । तर, गोली कसले र किन चलायो भन्ने प्रश्नमा प्रहरीसँग चित्त बुझ्दो उत्तर छैन् ।
काठमाडौँका एसएसपी छविलाल जोशीले गोली प्रहारको घटनाको जिम्मा लिँदै आफूलाई फोन आएको स्वीकार गरे । तर उनले ती फोन गर्ने व्यक्तिको पहिचान भने खुलाएनन् । यति मात्र भने ‘अनुसन्धान जारी छ’ ।
यता गोली प्रहारबाट सख्त घाइते बनेका दावा लामाले अस्पतालको शैयाबाट नै दोषी विरुद्ध कारवाहीको माग गरेका छन् । उनले महानगरीय प्रहरी वृत बौद्धमा जाहेरी दरखास्त गरेको बताईएको छ ।
उनले दिएको जाहेरीमा राजन श्रेष्ठ र राम गिरीले आफूलाई ज्यान मार्ने नियतले गोली प्रहार गरेको आरोप लगाएका छन् । राम गिरी दरबारमार्गमा रहेको ‘डेभाजु’ डिस्कोका संचालक हुन् । आफुू विरुद्ध झुट्टा मुद्दा लगाउँदै आएका गिरीले नै ज्यान मार्ने नियतले गोली चलाउन लगाएको लामाको आरोप छ ।
कहिलेकाहिँ भेटघाट हुँदा कुनियतले हेर्ने धक्का दिने र आफ्नो दैनिक क्रियाकलापको समेत निगरानी राख्ने गिरीले नै हत्याको प्रयास गरेको लामाले जिकिर गरेका छन्|
Post a Comment