एजेन्सी। पश्चिम अफ्रिकाको देश बेनिनमा इगुनगुन नामक एक समुदाय छ जसलाई जिउँदा भूत भनिन्छ। यिनले छोएमा छुने व्यक्ति र इगुनगुन दुवैको तत्काल मृत्यु हुने मान्यता छ। अफ्रिकी कालो जादूको सुरुवात पनि बेनिनबाटै भएको थियो। इगुनगुन लबेदा ओढेर थुप्रै रंगीबिरंगी कपडा लगाउँछन्।
यिनीहरु आफ्नो अनुहार ढाकिराख्छन् ताकि उनीहरुको पहिचान गोप्य रहोस्। इगुनगुनले गाउँमा कुनै विवाद भयो भने फैसला सुनाउने काम गर्छन्। यिनीहरुमा मृत पूर्वज आएर फैसला सुनाउने विश्वास गरिन्छ। त्यसैले इगुनगुनको फैसलालाई अन्तिम र ईश्वरको बचन मानिन्छ। यिनीहरुसँग केही सहयोगीहरु पनि हिँड्छन् जसले इगुनगुन र अन्य व्यक्तिहरुको बीचमा निश्चित दूरी कायम राख्छन् ताकि कसैले इगुनगुनलाई छुन नसकोस्। यी सहयोगी पनि इगुनगुनकै समुदायका हुन्छन्।
Post a Comment